Qabulxona va navbat
Bemor bir marta ro‘yxatga olinadi. Ism, telefon yoki karta raqami bo‘yicha bir soniyada topiladi, talon avtomatik beriladi.
Tibbiy axborot tizimi
Klinikani qabulxonadan kassagacha bitta tizimda boshqaring
Klinix bemorni ro‘yxatga olish, shifokor ko‘rigi, tahlillar, dorixona, kassa va rahbar hisobotlarini bitta yozuvga bog‘laydi. Ma’lumot bir marta kiritiladi, qolgan bo‘limlar uni o‘zi oladi.
Ishonchli — har harakat qayddaAniq — raqamlar o‘zi jamlanadiNazoratli — har kim o‘z ishini ko‘radi
Boshqaruv paneli
Qabulxona
Bemorlar
Laboratoriya
Dorixona
Dori ombori
Kassa
Hisobotlar
BugunBosh filial
Tushum4 820 000so‘m
Tashriflar38+6 kechagidan
Qarzdorlik310 0002 ta hisob
Soatlik bemor oqimi
T-014Terapevt · 3-xonaQabuldaT-015Terapevt · 3-xonaKutmoqda13tayyor xodim roli
3 tilo‘zbek, rus, ingliz
Face IDxodimlar davomati
1 tizimbarcha filiallar uchun
Imkoniyatlar
Klinikaning har bir bo‘limi uchun ish joyi
Har bir xodim o‘z vazifasiga moslangan ekranda ishlaydi. Bo‘limlar orasidagi ma’lumot qog‘ozsiz, o‘z-o‘zidan o‘tadi.
Elektron tibbiy karta
Shikoyat, ko‘rik, tashxis va tavsiya shu yerda yoziladi va imzolanadi. Oldingi tashriflar, allergiya va tahlillar bitta ekranda.
Laboratoriya va radiologiya
Shifokor tayinlagan tahlil bo‘limga o‘zi tushadi. Natija kartaga qaytadi, me’yordan chiqqan ko‘rsatkich ajratib ko‘rsatiladi.
Dorixona
Retsept bo‘yicha dori beriladi, bemorning allergiyasi yana bir bor tekshiriladi. Avval muddati yaqin partiya chiqadi, qoldiq o‘zi kamayadi.
Kassa va to‘lovlar
Bajarilgan xizmatlar hisobga narxi bilan tushadi. Naqd, karta va o‘tkazma alohida hisoblanadi, pulni qaytarish sababi bilan qaydga olinadi.
Daromad va xarajatlar
Klinika egasi uchun: xarajatlar, xodimlar ish haqi va oy yakunidagi sof foyda. O‘tgan davr bilan solishtirish mumkin.
Face ID davomat
Xodim terminal oldidan o‘tadi, kelgan va ketgan vaqti o‘zi yoziladi. Kechikishlar kunlik jadvalda ko‘rinadi.
Rahbar uchun hisobotlar
Bugungi tushum, tashriflar va qarzdorlik asosiy ekranda. Har bir summa ortidagi bemor va xizmatni ochib ko‘rish mumkin.
Dori ombori
Kirim va chiqim, partiya va yaroqlilik muddati, kam qolgan dorilar haqida ogohlantirish, barcode skaner. Omborchi alohida dasturda ishlaydi, xarid summasi xarajatlarga o‘zi tushadi.
Xodimlar ish hisoboti
Har bir xodimning o‘z ish vaqti tugagach, kun davomida bajargan ishi va davomati rahbarga avtomatik hisobot bo‘lib keladi.
Dori so‘rovi
Shifokor yoki hamshira ombordan dori so‘raydi, omborchi bir bosishda beradi yoki sababini yozib rad etadi. Qoldiq o‘zi kamayadi.
SMS eslatmalar
Bemorga navbat taloni va qabulga yozilgan vaqti SMS orqali yuboriladi. Kechikkan to‘lov haqida ham eslatadi.
Qanday ishlaydi
Bemorning yo‘li — bitta yozuv bilan
Har bir bosqich oldingisidan ma’lumot oladi. Hech kim bir narsani ikki marta yozmaydi.
Qabulxona
Bemor ro‘yxatga olinadi yoki bazadan topiladi
Navbat
Talon beriladi, ekranda chaqiriladi
Shifokor
Ko‘rik, tashxis va tayinlovlar
Tahlil
Laboratoriya va tasvir natijalari kartaga
Dorixona
Retsept bo‘yicha dori beriladi
Kassa
Hisob o‘zi shakllanadi, to‘lov qabul qilinadi
Kassa summani o‘zi biladi, chunki shifokor qaysi xizmatni bajarganini tizim ko‘rib turadi. Rahbar esa kun davomida hech kimdan so‘ramasdan holatni ko‘radi.
Tizim namoyishi
Har bir ish joyini oldindan ko‘ring
Quyida beshta bo‘limning soddalashtirilgan ekranlari. Ulardagi ism va raqamlar namuna uchun o‘ylab topilgan; to‘liq dasturni demo versiyada o‘zingiz sinab ko‘rishingiz mumkin.
NamunalarBugun
Gematologik analizator — ulangan
Biokimyoviy analizator — ulangan
L-0418Umumiy qon tahliliNatija keldiL-0419GlyukozaAnalizatordaKo‘rsatkichNatijaMe’yor
Gemoglobin, g/L131120–160
EChT, mm/soat24 ↑2–15
Trombotsitlar, ×10⁹/L245180–320
Namunadan natijagacha — qo‘lda ko‘chirishsiz
- Har bir probirkaga shtrix-kod yopishtiriladi, analizator natijani shu kod bo‘yicha to‘g‘ri buyurtmaga yozadi.
- Me’yordan chiqqan ko‘rsatkich ajratib ko‘rsatiladi, laborant tasdiqlamaguncha natija bemorga ketmaydi.
- Tasdiqlangan natija shifokor kartasiga o‘zi qaytadi.
AN
Bemor A. N., 34 yoshKarta № 000231 · 3-tashrif
Allergiya: penitsillin
ShikoyatTomoq og‘rig‘i, harorat 37,8 °C, ikki kundan beri
Tashxis (KXT-10)J06.9 — yuqori nafas yo‘llarining o‘tkir infeksiyasi
Tayinlovlar
Umumiy qon tahlili→ Laboratoriya
Paratsetamol 500 mg, 3 kun→ Dorixona
Imzolash
Butun tarix bitta ekranda
- Oldingi tashriflar, allergiya va tahlil natijalari ko‘rik paytida ko‘z oldida turadi.
- Tashxis KXT-10 bo‘yicha tanlanadi, tahlil va dori tayinlovi kerakli bo‘limga o‘zi yuboriladi.
- Imzolangan yozuv o‘zgartirilmaydi — faqat izoh bilan to‘ldiriladi.
+998 90 ••• •• 12
ANBemor A. N. · 1992-y.Bazada bor
Navbat3 kishi
T-021Terapevt · 3-xonaQabuldaT-022Kardiolog · 5-xonaKutmoqdaL-007Laboratoriya · 1-xonaKutmoqdaYangi bemorTalon chop etish
Bemor bir marta yoziladi
- Telefon, ism yoki karta raqami bo‘yicha qidiruv: bir bemorga ikkinchi karta ochilmaydi.
- Talon beriladi va bemor navbat ekranida chaqiriladi.
- Qabulga yozish va SMS eslatma ham shu ekrandan.
Hisob № 1048Bemor A. N. · 1992-y.
Terapevt ko‘rigi120 000
Umumiy qon tahlili45 000
Biokimyo, 5 ko‘rsatkich160 000
Jami325 000 so‘m
NaqdKartaO‘tkazma
Bekor qilish va qaytarish — faqat sabab yozilgach, qaydga tushadi
To‘lovni qabul qilish
Summani hech kim qo‘lda yozmaydi
- Bajarilgan xizmatlar hisobga narxi bilan o‘zi tushadi.
- Naqd, karta va o‘tkazma alohida hisoblanadi, smena yakunida kassa hisoboti tayyor bo‘ladi.
- Bekor qilish va qaytarish sababsiz bajarilmaydi, har biri kim qilgani bilan saqlanadi.
QoldiqlarAsosiy ombor
Shtrix-kodni skanerlang yoki dori nomini yozing
DoriMuddatQoldiq
Paratsetamol 500 mg03.2027420
Seftriakson 1 g12.202636
Fiziologik eritma 250 ml08.202712 ↓
Muddati yaqin: 1Kam qoldi: 1
ChiqimKirim
Qoldiq o‘zi kamayadi
- Kirim va chiqim shtrix-kod skaneri bilan, partiya va yaroqlilik muddati bo‘yicha yuritiladi.
- Muddati yaqinlashgan va kam qolgan dorilar haqida oldindan ogohlantiradi.
- Xarid summasi klinika xarajatlariga o‘zi tushadi.
Integratsiyalar
Klinix klinika allaqachon ishlatayotgan xizmatlar bilan bog‘lanadi.
- Telegram bot
- SMS xabarnomalar
- Fiskal chek*
- IP telefoniya*
- Bulutli zaxira nusxa
- Laboratoriya analizatorlari
* Provayder orqali, so‘rovingiz bo‘yicha ulanadi.
Rahbar uchun
Klinikada nima bo‘layotganini so‘ramasdan biling
Klinika egasi yoki boshqaruvchisi kun yakunini telefonida ko‘radi, pul bilan bog‘liq har bir harakat iz qoldiradi, ish haqi esa qo‘lda hisoblanmaydi.
Telegram’da kunlik hisobot
Bot har kuni bugungi tushumni to‘lov turlari bo‘yicha, bemorlar va tahlillar sonini yuboradi va kechagi kun bilan solishtiradi.
Kassa nazorati
To‘lovni bekor qilish yoki pulni qaytarish faqat sabab yozilgandan keyin bajariladi, kim va qachon qilgani qaydga tushadi. Kassir yozuvni jimgina o‘zgartira olmaydi.
Ish haqi va ulush o‘zi hisoblanadi
Xodimlarning bajargan xizmatlari bo‘yicha ulushi va oylik maoshi siz belgilagan qoidalar asosida avtomatik hisoblanadi.
Har bir bo‘lim faqat o‘z ishini ko‘radi
Qabulxona, kassa, laboratoriya va ombor har biri o‘z ekranida ishlaydi. Moliyaviy hisobotlar faqat ruxsat berilgan rollarga ochiq.
Klinixhisobot boti
Namuna
Kunlik hisobot · Bosh filial
Bugun, soat 20:00 holatiga
Tushum6 450 000
kecha: 5 980 000+7,9%
Naqd2 900 000
Karta2 750 000
O‘tkazma800 000
Bemorlar52 +5
Tahlillar118 +14
Qaytarishlar1
Sabab: ikki marta to‘langan · 2-kassa
20:00
Taxminiy hisob
Qancha vaqt tejaysiz?
Klinikangiz raqamlarini kiriting — qog‘oz to‘ldirish va qayta yozishdan bo‘shaydigan vaqt oyiga taxminan qancha bo‘lishini ko‘rasiz.
Xodimlar
Ish hajmi
Ro‘yxatga olish, karta yozish, natijani ko‘chirish va hisob-kitob — hammasi birga. Odatiy qiymat 6 daqiqa; o‘zingiznikiga almashtiring.
Oyiga tejaladigan vaqt208 soat
Bo‘shaydigan ish kunlari26 xodim-kun
Har bir xodimga15 soat / oy
Bu qiymatlarda tejash xodimlar ish vaqtining yarmidan oshib ketdi — daqiqalar yoki bemorlar sonini qayta tekshiring.
Bu taxminiy hisob, va’da emas: natija faqat siz kiritgan raqamlardan olinadi. Bir ish kuni 8 soat deb olingan, tejalgan vaqt xodimlarga teng taqsimlangan deb hisoblangan. Haqiqiy natija klinikangiz hozir qanday ishlashiga bog‘liq — demo paytida uni birga baholaymiz.
Xavfsizlik
Bemor siri — klinika ichida qoladi
Har bir xodim faqat o‘z vazifasiga kerak bo‘lgan ma’lumotni ko‘radi.
Klinika rahbariFilial boshlig‘iShifokorHamshiraQabulxonaLaborantRadiologFarmatsevtKassirBuxgalterOmborchiAuditorAdministrator
Qat’iy rollar
Kassir tashxisni ochmaydi, laborant kassa hisobotini ko‘rmaydi. Hatto rahbar ham boshqa bo‘lim ishini uning o‘rniga bajara olmaydi.
Har bir klinika alohida
Bir klinikaning xodimlari boshqa klinikaning bemorlari, puli va hujjatlarini ko‘ra olmaydi.
Har bir harakat qaydda
Kim, qachon, nimani o‘zgartirgani yozib boriladi. Imzolangan tibbiy yozuv o‘zgartirilmaydi, faqat izoh bilan to‘ldiriladi.
Ulanish tartibi
To‘rt qadamda ishga tushadi
Biz sizni har bir qadamda kuzatib boramiz.
01
Ariza qoldirasiz
Pastdagi formani to‘ldirasiz — mutaxassisimiz o‘zi siz bilan bog‘lanadi.
02
Demo ko‘rsatamiz
Klinikangiz ish tartibi asosida dasturni jonli ko‘rsatamiz.
03
Klinika ochiladi
Bo‘limlar, xizmatlar va narxlar kiritiladi, rahbarga login beriladi.
04
Xodimlar ishlaydi
Har bir xodim o‘z roli bilan kiradi va o‘sha kundan ishni boshlaydi.
Narx qanday belgilanadi
Oylik obuna narxi klinika filiallari soniga qarab belgilanadi. Aniq taklifni demo ko‘rsatuvidan keyin, klinikangiz ehtiyojini ko‘rib beramiz.
Savollar
Ko‘p beriladigan savollar
Javobini topmadingizmi? Demo so‘rash formasida yozib qoldiring — mutaxassisimiz tushuntirib beradi.
Laboratoriya analizatorlarini ulash mumkinmi?
Ha, agar analizator natijani HL7 yoki ASTM protokoli orqali bera olsa. Laboratoriya kompyuteriga kichik ko‘prik dasturi o‘rnatiladi: u analizatordan natijani oladi va shtrix-kod bo‘yicha tegishli buyurtmaga yozadi, laborant esa tekshirib tasdiqlaydi. Har bir model ulashdan oldin sinab ko‘riladi, shuning uchun analizatorlaringiz modelini oldindan ayting.
Bemor tahlil natijasini qanday oladi?
Natija laborant tasdiqlagandan keyingina chiqadi. Shundan so‘ng bemorga SMS xabar boradi; u natijani Telegram bot orqali PDF ko‘rinishida olishi yoki shaxsiy kabinetiga kirib ko‘rishi mumkin. Qaysi usullar yoqilishini klinika o‘zi tanlaydi.
Ishga tushirish va xodimlarni o‘qitish qancha vaqt oladi?
Bu klinikaning hajmiga va xizmatlar ro‘yxati qanchalik tayyorligiga bog‘liq: bo‘limlar, xizmatlar va narxlar kiritilgach, xodimlar ishni boshlaydi. Har bir xodim faqat o‘z ekranini o‘rganadi, shuning uchun o‘qitish qisqa bo‘ladi — jamoangizni o‘zimiz o‘rgatamiz. Aniq muddatni demo paytida, klinikangizni ko‘rib aytamiz.
Ma’lumotlar qanchalik xavfsiz? Zaxira nusxa olinadimi?
Har kuni zaxira nusxa olinadi; xohlasangiz, qo‘shimcha nusxa boshqa joyda — alohida serverda yoki bulutda saqlanadi. Har bir xodim faqat o‘z roliga kerakli ma’lumotni ko‘radi, har bir o‘zgarish kim va qachon qilgani bilan yoziladi, klinikalar bir-birining ma’lumotini ko‘rmaydi.
Internet kerakmi? Qanday tezlik yetadi?
Ha, tizim brauzerda ishlaydi va serverga ulanadi, shuning uchun barqaror internet kerak. Yuqori tezlik shart emas — oddiy ofis interneti yetadi, muhimi aloqaning uzilmasligi. Klinikangizda aloqa tez-tez uzilsa, demo paytida ayting — sharoitingizga mos yechimni birga ko‘rib chiqamiz.
Fiskal chek chiqariladimi?
Fiskal chek soliq organlarining onlayn nazorat-kassa tizimi bilan provayder orqali integratsiya qilinadi. Bu imkoniyat so‘rov bo‘yicha ulanadi — kerak bo‘lsa, arizada yoki demo paytida ayting.
IP telefoniya bilan ishlaydimi?
Ha, agar mini-ATS yoki telefoniya provayderingiz qo‘ng‘iroq hodisalarini tashqi tizimga yubora olsa. Shunda kiruvchi qo‘ng‘iroq paytida qabulxona ekranida qo‘ng‘iroq qilayotgan raqam va, agar u bazada bo‘lsa, bemor kartasi chiqadi. Ulanish so‘rov bo‘yicha sozlanadi.
Narxi qancha? Demoni qanday ko‘raman?
Oylik obuna narxi filiallar soniga qarab belgilanadi, aniq taklifni klinikangiz ehtiyojini ko‘rib tayyorlaymiz. Demo bepul: demo so‘rash formasini to‘ldiring yoki “Demo ko‘rish” tugmasi orqali dasturni o‘zingiz sinab ko‘ring.
Qaysi tillarda ishlaydi?
O‘zbek, rus va ingliz tillarida. Har bir xodim tilni o‘zi tanlaydi — bir klinikada kimdir o‘zbekcha, kimdir ruscha ishlashi mumkin.
Bir nechta filial bo‘lsa-chi?
Barcha filiallar bitta tizimda ishlaydi. Har bir filialning kassasi va ombori alohida yuritiladi, rahbar esa hisobotlarni har bir filial bo‘yicha alohida va umumiy ko‘radi.
Aloqa
Bepul demo so‘rang
Ma’lumotlaringizni qoldiring. Mutaxassisimiz siz bilan bog‘lanib, dasturni klinikangiz misolida ko‘rsatadi.
- Demo ko‘rsatuv bepul va hech qanday majburiyatsiz
- Xodimlaringizga dasturdan foydalanishni o‘rgatamiz
- Bir filialli klinikadan tarmoqqacha mos keladi